Bo Bennett: Mantiqiy xato: To‘g‘ri fikrlash qo‘llanmasi (yumshoq muqova)

“Asaxiy Books”dan yana bir muhim yangilik — Bo Bennetning “Mantiqiy xato. Toʻgʻri fikrlash qoʻllanmasi” kitobi oʻzbek tilida!

Tanqidiy va tahliliy fikrlash hozirgi davr uchun muhim hisoblanadi. Maʼlumotga koʻr-koʻrona ishonib notoʻgʻri xulosa chiqarish kabi muammolarga yechim sifatida “Mantiqiy xato” kitobini taqdim etamiz.

Kim haq- u, kim nohaq? Baʼzan bu savolga javob yoʻqdek tuyuladi. Axir “Hammaning oʻz haqiqati bor”, deymiz. Shunga qaramay, nahotki barcha uchun bir xil boʻlgan obyektiv haqiqat yoʻq? Albatta, bor va uni bilishda bizga mantiq yordam beradi. Bu qadimiy ilm argumentlar keltirish va ularga javob berishni oʻrgatadi.

Oʻrganishning eng samarali usullaridan biri — xatolarni tahlil qilish. Shuning uchun “Mantiqiy xato” kitobida bahslarda keng tarqalgan mantiqiy xatolar, ularning turlari va shakllari bayon qilingan.

Kitob mantiqiy mulohaza yuritishning asosiy tamoyillari bilan tanishtiradi. Unda kundalik hayotda, bahslarda koʻp uchraydigan xatolar va ularning turlari tahlil qilingan. Shu bilan birga, argumentlash boʻyicha misol va foydali tavsiyalar keltirilgan.
Xatoning nima uchun xato ekanini bilsangiz, unga yoʻl qoʻymaysiz. Bu xislat sizni oqil, vazmin va mulohazakor insonga aylantiradi.

Bu kitob samarali mulohaza yuritish boʻyicha tezkor va foydali qoʻllanma boʻlib, sizga vaziyatni siz istaganday emas, aslidek koʻrsatuvchi yoʻlga olib kiradi. Ushbu kitobda asosiy eʼtibor mantiqiy xato tushunchalarga qaratilgan, hayotda oddiy qabul qilinuvchi koʻp holatlar nima uchun xato ekani koʻrsatilib tavsiyalar ham keltirilgan. Oʻqigan sahifalaringiz soni ortishi bilan fikr yuritish va qaror qabul qilish uslubingizda sezilarli yaxshilanishga guvoh boʻlasiz. Mantiqiy xato – bu barcha original misollar va tushunarli tavsiflarga ega boʻlgan keng qamrovli mantiqiy xatolar toʻplami boʻlib, barcha kitobxonlarga yoqishi shubhasiz.

Kitobni mutolaa qiling, tushuning va hayotingizda qoʻllashni boshlang. Agar kitobdagi tavsiyalarga amal qilsangiz:
• Kundalik hayotda mantiqiy xatolarni aniqlaysiz va bartaraf etasiz;
• Tanqidiy va mustaqil fikrlashda oʻsish sezasiz;
• Oʻzingizni notoʻgʻri maʼlumot va manipulyatsiyadan himoya qilasiz;
• Yanada bilimdon va aqlli shaxsga aylanasiz;
• Samarali muloqot va muzokaraga kirisha olasiz.
 

“Mantiqiy xato” kitobi bilan shaxs sifatida yanada rivojlaning. Tanqidiy fikrlash sari sayohatingizni bugundan boshlang!

Ushbu kitob Xalq banki bilan hamkorlikda chop etildi.