Printerlar

Printerlar, skanerlar va plotterlar haqida barcha ma’lumotlar: turlari, xususiyatlari, tanlash mezonlari

Ofisda printer, skaner, plotter va boshqa ofis jihozlarisiz ishlash mumkin emas. Biroq ushbu qurilmalar uylarda ham ishlatiladi. Bunday jihozlar talabalar, maktab o‘quvchilari va o‘qituvchilar uchun albatta sotib olinadi. Ammo, faoliyatingiz ta’lim bilan bog‘liq bo‘lmasa ham, ofis jihozlari sizga albatta yordam beradi. Siz fotosuratlar, rasmlar va hujjatlarni fotostudiyaga bormasdan chop etishingiz mumkin. Bu sizga kelajakda katta pul tejash imkonini beradi.

Printerlar, skanerlar, plotterlar – funksiyalari va farqlari

Asaxiy do‘konida ushbu qurilmalarning quyidagi turlari taqdim etilgan:

• Printer – chop etish uskunasi. Biroq zamonaviy modellar hujjatlarni chop etishdan boshqa funksiyalarni ham bajaradi. Hozir ko‘p funksiyali printerlar (KFPlar) – “3tasi 1tada” gadjetlar ko‘proq talabgir. Bu – o‘zida skaneri va nusxa ko‘chirish moslamasi bo‘lgan printer. Shunday qilib, bitta qurilma bir vaqtning o‘zida uchtasining o‘rnini bosadi. KFP sotib olish kelajakda pulingizni tejaydi.
• Skaner – bu tasvirlarni raqamli shaklga aylantirib beruvchi uskuna. Agar siz kitob yoki jurnal sahifasini skaner qilsangiz, uni kompyuteringizda ko‘rishingiz mumkin. Har qanday qog‘oz tashuvchisi skanerlanuvchi sirt rolini o‘ynashi mumkin: gazeta, jurnal, kitob, hujjat, fotosurat va boshqalar. Bu texnikasiz zamonaviy kutubxona va arxivlarning ishi qiyin. Skaner ofisda ishlash va o‘qish paytida ham kerak.
• Plotter – mohiyatan bu ham printerdir, faqat farqlar qog‘oz hajmi va ishlatilish maqsadida. Ushbu qurilma A1 formatidagi varaqqa chop etadi. U xaritalar va chizmalarni chop etishga mo‘ljallangan. Shuningdek, reklama agentliklari bannerlarni chop etish uchun plotter sotib olinadi.

Orgtexnika jihozlarining ishlatilish maqsadi

Uskunani sotib olayotganda, siz unga qo‘yilgan vazifalarni hisobga olishingiz kerak. Shu asosda KFPlarni quyidagi turlarga bo‘lish mumkin:

• Uy uchun – KFP sotib olishning hech foydasi yo‘q. Qurilmalarni alohida-alohida sotib olish yaxshiroqdir. Shu bilan birga, narxiga emas, balki sifatiga ko‘ra tanlov qilgan ma’qul.
• Kichikroq korxona ofisi uchun – lazerli KFP juda mos keladi. Bunday holda siz monoxrom (oq-qora) chop etuvchi modelni tanlashingiz, shunda ma’lum miqdorda tejashingiz mumkin. Rangli printerlar ancha qimmat va kelajakda siyoh xaridlari ham xarajat talab etadi. Wi-Fi yoki Bluetooth interfeysli modelni tanlagan ma’qul. Simsiz tarmoqni qo‘llab-quvvatlash tufayli siz hujjatni istalgan qurilmadan, hatto smartfon kabi portativ gadjetdan ham chop eta olasiz. Katta ofis uchun siz qo‘shimcha ofis jihozlarini xarid qilishingiz mumkin.
• Korxona uchun – bu holda siz faoliyatning va shtatlarning o‘ziga xos xususiyatlariga qarab uskunani sotib olishingiz kerak. Kichkina tashkilot uchun mini printer mos keladi. Yirik korxona uchun esa siz bir nechta turli xil qurilmalarni xarid qilish lozim. Reklama agentligi va bosmaxonaga bo‘lsa katta hajmlarda va turli formatlarda chop etish uchun plotter hamda boshqa maxsus jihozlar kerak bo‘ladi.

Printerlarning turlari

Ishlash usuliga ko‘ra qurilmalar quyidagi turlarga bo‘linadi:

• Purkovchi – ularda suyuq siyoh ishlatiladi, u qog‘ozga mayda dog‘lar shaklida purkaladi va shuning evaziga tasvir shakllanadi. Purkovchi modellarining asosiy afzalligi – bu arzon narx. Biroq, ular tezlik bo‘yicha lazerli KFPlardan ancha past. Bundan tashqari, purkovchi printerlar juda shovqinli bo‘lib, muntazam ishlatib turishni talab qiladi, aks holda siyohi qurib qoladi.
• Lazerli – bunda quruq kukunli kartrijlar ishlatiladi. Ushbu modifikatsiyalar mukammal tasvir sifati, yuqori bosib chiqarish tezligi va iqtisodiy samaradorlik bilan ajralib turadi. Bunday qurilmaning asosiy salbiy tomoni – qimmatligi hisoblanadi.
• Yorug‘lik-diodli (LED) – qattiq siyohli deb ham ataladi, ishlash tamoyiliga ko‘ra ular lazerga o‘xshaydi. Ijobiy jihatlari qatorida tipografiyanikidan qolishmaydigan tasvir sifati va chidamliligini ta’kidlash kerak. Kamchiliklari – sekin ishlashi va siyohni ko‘p sarflashidir.
• Termosublimatsiyali – uzoq vaqt asl ko‘rinishini saqlaydigan yuqori sifatli tasvirlar taqdim etadi. Biroq, sublimatsiya qurilmalari va siyohlar ancha qimmat.
• Fotoprinterlar – fotosuratlarni chop etish uchun moʻljallangan. Ular oq-qora va rangli rasmlarni beradi, mos ravishda siz turli xil ranglardagi 5-6 siyoh sotib olishga tayyor turishingiz kerak.
• Uzluksiz siyoh berish tizimli – bunday qurilmalarning anʼanaviy printerlardan farqi – u siyohni kartrijlardan emas, balki katta idishlardan oladi.

Boshqa modellar:

• termoprinterlar;
• termotransferli printerlar;
• matritsali printerlar;
• 3D printerlar.

Printer sotib olayotganda quyidagi parametrlarni hisobga olishingiz kerak:

• bosib chiqarish tezligi;
• qog‘oz qabul qilish usuli;
• nusxalarni tartiblash;
• ikki tomonlama va keng formatli chop etish imkoniyati;
• shovqin darajasi;
• katrijlarni to‘ldirish

Skanerlarning turlari

Qo‘llanish sohasiga ko‘ra, bu qurilmalar quyidagi turlarga bo‘linadi:

• Planshetsimon – eng ommabop modellar bo‘lib, ular vazni yengil, ishlatishga qulay va munosib narxda.
• Plyonkali – negativlar kabi shaffof tashuvchilarni skanerlash uchun maxsus professional uskunalar. Ulardan operatorlar, fotograflar, reklama agentlari va boshqalar foydalanadilar
• Barabanli – ularda skanerlash uchun baraban mas’ul. Bu texnologiyaning afzalliklaridan ajoyib tasvir sifatini ta’kidlash kerak. Kamchiliklari – qimmatligi va o‘lchami kattaligida. Barabanli skanerlar asosan bosmaxonalarda ishlatiladi.
• Tortuvchi skanerlar – tikilmagan varaq holidagi hujjatlarni skanerlashga mo‘ljallangan. Ular varaqlarni avtomatik olib ishlay biladi.
• Pasport skanerlari – pasportlar, haydovchilik guvohnomalari, talabalik guvohnomalari va boshqa hujjatlarni skanerlash uchun moʻljallangan kichik professional qurilmalar.
• Planetar skanerlar – ehtiyotkorona munosabatni talab qiladigan tashuvchilarni raqamlashtirish uchun qo‘llanuvchi, teginmasdan ishlovchi professional skanerlar. Bunday modellardan arxivlar, kutubxonalar va muzeylarda tarixiy materiallar bilan ishlashda foydalaniladi.
• Tarmoqli – shaxsiy kompyuterga ulanmasdan ishlaydigan uskunalar. Katta ofis uchun ajoyib variant.
• Qo‘l skanerlari – bitta satr yoki sahifani skanerlashi mumkin bo‘lgan portativ qurilmalardir. Talabalar uchun ideal.

Asaxiyda xarid qilish haqida qisqacha

Onlayn do‘konimizda siz quyidagi markadagi printer, plotter yoki skanerlarni sotib olishingiz mumkin:

• Epson;
• Canon;
• HP;
• Samsung;
• Kyocera.

O‘zbekiston bo‘ylab yetkazib berish bir necha kun ichida amalga oshiriladi. Toshkentda esa bu xizmat butunlay bepul.