Barbara Oukli: Raqamlar uchun yaralgan idrok. Matematika va tabiiy fanlarni qanday qoyillatsa bo'ladi

“Asaxiy Books” loyihasidan yangi qadam, Barbara Ouklining “Raqamlar uchun yaralgan idrok” kitobi oʻzbek tilida!

Miyangiz gʻaroyib qobiliyatlarga ega, afsuski, undan samarali foydalanish uchun qoʻllanma yoʻq. Bu qoʻllanmani “Raqamlar uchun yaralgan idrok” kitobida topishingiz mumkin. Tajribangiz bor yoki yoʻqligidan qatʼi nazar, ushbu kitobdan bilim olish koʻnikmalaringiz va texnikangizni oshirish uchun yangicha va ajoyib usullarni topasiz. Ular, ayniqsa, matematika va tabiiy fanlarni oʻzlashtirishda qoʻl keladi.

Fanlarni oʻzlashtirishga qiynalayotgan talaba boʻlasizmi yoki lavozimda yuqorilash uchun yangi bilimlarni oʻrganishi kerak boʻlgan xodim, “Raqamlar uchun yaralgan idrok” kitobi ushbu muammoni yechish uchun zarur vositalarni taklif qiladi. Kitobda aniq va tabiiy fanlarni oʻrganishning samarali usullari keltirilgan. Turli hiylalar, masala yechish, tahlil va yodlashning noodatiy usullari sizga qoʻl kelishi hamda fanlarga qiziqishingizni oshirishi shubhasiz. Kitobni oʻqib, siz miyadagi neyronlar tarmogʻining chinakam egasi boʻlishga oʻrganasiz, shuningdek, miya ikkita rejimda ishlashi, chalgʻib turish foydalari hamda tasavvur kuchi haqida bilib olasiz.



Bu kitob qanday bilim olish kerakligi borasidagi tasavvurlaringizni oʻzgartirib yuborishi mumkin. Unda siz bilim olishning tadqiqotchilarga maʼlum boʻlgan oddiy, samarali va qulay usullari bilan tanishasiz, bundan zavq olasiz.

Oklend universitetining muhandislik professori Barbara Oukli oʻzining “Raqamlar uchun yaralgan idrok” kitobida sizga matematika va tabiiy fan qoʻrquvlarini qanday yengish va bu fanlarda ustunlikka erishish mumkinligini koʻrsatib beradi. Kognitiv fandagi soʻnggi tadqiqotlarga asoslanib, Oukli bizning miyamiz qanday oʻrganishini va bu bilimlarni oʻz foydamiz uchun qanday ishlatishimiz mumkinligini tushuntiradi va samaraliroq oʻrganish boʻyicha amaliy maslahatlar beradi.

“Raqamlar uchun yaralgan idrok” kitobini matematika va ilmiy koʻnikmalarini oshirishni istagan har bir inson oʻqishi shart. Siz talaba boʻlasizmi, professionalmisiz yoki miyamiz qanday ishlashi haqida koʻproq bilmoqchi boʻlgan odamsiz, bu kitob sizga ilmda muvaffaqiyatga erishish uchun kerakli vositalarni beradi.



“Raqamlar uchun yaralgan idrok” kitobini oʻqishning bir nechta afzalliklari:
• Xotira va eslab qolish qobiliyatini qanday yaxshilashni oʻrganasiz;
• Qanday qilib kreativ fikrlashni va muammolarni samaraliroq yechishni bilib olasiz;
• Kechiktirishni qanday yengish va yaxshi oʻqish odatlarini rivojlantirishni oʻrganasiz;
• Miyangiz qanday oʻrganishini chuqurroq tushunasiz.

Kitobda doktor Oukli amalda ish beruvchi oʻrganish sirlari haqida maʼlumot beradi – bu sirlarni hatto fidoyi va muvaffaqiyatli talabalar ham avvalroq bilishni orzu qiladi. Omma fikridan farqli oʻlaroq, matematika ijodiy, shuningdek, tahliliy fikrlashni talab qiladi. Aksariyat odamlar muammoni hal qilishning faqat bitta yoʻli bor deb oʻylashadi, aslida esa koʻpincha turli xil yechimlar mavjud boʻladi — ularni koʻrish uchun sizga faqat ijodkorlik kerak.



Agar siz oʻrganish haqida koʻnikmalaringizni oshirishga tayyor boʻlsangiz, “Raqamlar uchun yaralgan idrok” kitobini oʻqishni tavsiya qilamiz. Bu qiziqarli va maʼlumotga boy kitob boʻlib, taʼlim olish haqidagi fikringizni oʻzgartirishga yordam beradi.

Kitob haqida OAV va mashhurlar fikri:
“Tabiiy fanlar va matematikaga qobiliyat tugʻma boʻlmaydi, balki orttiriladi. Miyadan foydalanish haqidagi ushbu qoʻllanma matematika va tabiiy fanlarda muvaffaqiyatga erishish sirini ochishga yordam beradi. Qiyinchiliklarga duch kelgach, oʻqishni tashlab ketgan koʻplab talabalarni koʻrganman. Ammo endi talabalar qoʻlida yaxshiroq bilim olish boʻyichа qoʻllanma bor. Bu ularning yaxshiroq natijalarga erishishiga yordam beradi, deya umid qilaman.“
— Sherli Malkom, Amerika Ilm-fanni rivojlantirish assotsiatsiyasining taʼlim va inson resurslari dasturlari boshligʻi

“Raqamlar uchun yaralgan idrok oʻrganish jarayonini qiziqarli va mutlaqo esda qolarli tarzda tushuntiradi. Bu kitob nafaqat barcha yoshdagi oʻquvchilar, balki barcha turdagi oʻqituvchilar uchun klassikadir.“
— Fransez R. Spielagen, Ph.D., Direktor, Oʻsmirlar tadqiqot va rivojlantirish markazi, Mount Sent Meri kolleji

“Matematikada nafaqat qiyinchilikka uchragan yoki mutaxassis boʻlganlar uchun, balki yanada samaraliroq fikrlashni va tushunishni istagan kitobxonlar uchun ajoyib.“
— Kutubxona jurnali

“Raqamlar uchun yaralgan idrok” matematika, tabiiy fanlar yoki muammo yechish asosiy oʻrinda turgan har qanday sohaga qanaqa yondashish haqidagi ajoyib kitobdir.“
— J.Maykl Shonisi, Matematika oʻqituvchilari milliy kengashining sobiq prezidenti

“Anchadan beri kitobdan bunchalik zavq olmagandim. Talabalarga qanday bilim olish kerakligini oʻrgatish barchа sohalardagi talabalarning yaxshiroq oʻzlashtirishi va muvaffaqiyatga erishishini taʼminlaydi. Bu butun umrga tuhfadir.“
— Robert R. Gameyk, PhD, Loueldagi Massachusets universitetida oʻquv ishlari, talabalar bilan ishlash va xalqaro aloqalar boʻyichа vitse-prezident yordamchisi

“Raqamlar uchun yaralgan idrok” talabalarga ilm egariga minib olishga — chuqurroq va osonroq bilim olishga xizmat qiladi. Ushbu ajoyib kitob oʻqituvchi va murabbiylar uchun ham foydali qoʻllanmadir. Amerikada tabiiy fanlar va matematikani oʻqitishni takomillashtirishga boʻlgan ulkan ehtiyojni hisobga olsak, “Raqamlar uchun yaralgan idrok” kitobi yaxshi topilmadir.“
— Jefri Kanada, “Harlem childrenʼs zone” tashkiloti prezidenti

“Inson aql-idroki haqidagi fanga nihoyatda tushunarli muqaddima. Yaxshiroq fikrlash borasidagi amaliy tavsiyalar ham bor.“
— Jeyms Tarantou, “The Wall Street Journal”

“Chiranib emas, aqlni ishlatib mehnat qilish kerak, deya maslahat berish oson, ammo Barbara Oukli oʻzining tez oʻqiladigan va tushunarli kitobida buni qanday amalga oshirish kerakligini koʻrsatib beradi. Unda tajribaga va ilmiy tasdigʻi bor maʼlumotlarga asoslangan koʻplab tavsiyalar keltirilgan. Toʻgʻrisini aytsam, ularning ayrimlarini oʻqitish uslubimga tatbiq etmoqchiman.“
— Glen Harlan Renoldz, Boushamp Brugan nomidagi unvonga ega huquq fanlari professori, Tennessi universiteti

“Raqamlar uchun yaralgan idrok” matematika va boshqa har qanday sohani oʻrganishga qanday yondashish kerakligini koʻrsatuvchi ajoyib manbadir. Barbara Ouklining nufuzli qoʻllanmasi inson ongini oʻrganuvchi fanlardagi soʻnggi tadqiqotlarga asoslangan boʻlib, samarali oʻrganishning aniq, loʻnda va qiziqarli yoʻl xaritasini taqdim etadi. U matematikani oʻzlashtirishda qiynalayotgan va bilim olish koʻnikmalarini kuchaytirishni istagan har qanday inson oʻqishi shart boʻlgan kitobdir.“
— Devid S. Giri, psixologiya fanlari va fanlararo neyrologiya boʻyichа kuratorlar professori, Missuri universiteti

— “Matematika va tabiiy fanlardan qoʻrqadigan talabalar uchun ham, bu sohalarni sevadiganlar uchun ham ushbu qiziqarli kitob miyaning ishlash mexanizmlariga tayangan oʻrganish odatlarini shakllantirish borasida yoʻl-yoʻriq taqdim etadi.“
— Debora Shifter, ilm- fan va matematika dasturlari boʻyichа bosh tadqiqotchi, “Education Development Center, Inc.“

Muallif haqida:
Barbara Oukli — Michigan shtatining Rochester shahridagi Oklend universitetining muhandislik professori. Uning tadqiqoti Wall Street Journal tomonidan “inqilobiy” deb nomlangan.

U oʻqitish uslubi uchun koʻplab milliy mukofotlarga sazovor boʻlgan, jumladan, Amerika muhandislik taʼlimi jamiyati Chester F. Karlson nomidagi STEM pedagogikasida ajoyib texnik innovatsiyalar uchun mukofoti va bioinjeneriya taʼlimidagi namunali faoliyati uchun Teo L. Pilkington mukofotiga sazovor boʻlgan. Uning San-Diegodagi Coursera-UC kursi, Salk institutining Frensis Krik professori Terrens Seynovski bilan hamkorlikda yaratilgan “Qanday oʻrganishni oʻrganish” kursi dunyodagi eng ommabop ochiq onlayn kurs boʻlib, hozirgacha 2 millionga yaqin talaba tahsil oladi.

Ushbu kitob Xalq banki bilan hamkorlikda chop etildi.